إفتح بقك .... يا بابا

1533عدد القرآءات 25/12/2019 15:00:00 Writer

حجم الخط

من غرفة من داخل غرفة من داخل في المزرعة ... دخان يحيط بالكاميرا و يمنع

الرؤيا التي يتخللها اضواء خافتة

الكاميرا مركزة علي دخان بدون مصدر
زووم اووت - يظهر الصورة فول اوت .. ضباب
يجلس الناظر مرتدي البيجاما و الروب و الزعطوط الصوف .. و امامه ترابيزة عليها ما لذ و طاب من المسليات و المنكهات ... و افتح بقك يا بابا
الناظر يسمع هرج و مرج و لكن مش مركز .. و تعليمات بعدم دخول احد الي الغرفة داخل الغرفة داخل الغرفة
لكن بالتعليمات ..دخل خلف النوايب
و دار الحوار التالي
- فيه ايه يا خلف
- الفريق خسر من المقاولون يا ياشمهندس و الدنيا هايجة علينا
- هايجة ليه ..هو مش ماتش المقاولين بكرة
- كان النهاردة يا باشمهندس و خسرنا بهدفين صايمين
- و افترض ..ايه المشكلة يعني
- المشكلة ان علي غيط منزل حروف و قلوب
- هو غيط معاه فلوس.. علشان ينزل حروف و ألوف
- قلوب يا باشمهندس .. مش ألوف
- تشرب لبان ضكر
- لبان ضكر ايه يا باشمهندس باقولك الدنيا والعة
- بس جرب شفطة ..ده بيجلي الصدر و يروق البال
- ركز معانا يا باشمهندس باقول لك الدنيا والعة
- طيب خد جرب الفوندامة دي..افتح بقك يا بابا
- شكرا يا باشمهندس .. بس قول لي حنعمل ايه
- جرب بس ..شفطة لبان دكرمع الفوندامة ..حيجلي قلبك
- الله يخليك يا باشمهندس شوف لنا حل – طب السلحدار قال ايه
- ما قالش جديد و نفي الاستقالة عن تدريب الفريق
- طيب خد جرب الفوندامة دي بس ..دي بطعم الفراونة
- يا ادي النيلة هات يا باشمهندس
- اهدئ بس هو شوية كلام و خلاص
- طيب حنعمل ايه
- هي كده الهزيمة الكام
– الخامسة يا باشمهندس
- خلاص ما تقلقشي
- ليه بقي
- علشان اتغلبنا 4 مرات و مفيش حاجة .. يبقي اشمعني الخامسة
- يعني ايه وضح
- يعني اتغلبنا من الاهلي ما حصلش حاجة و لو كنا اتغلبنا من المقاولين كمان مش حيحصل حاجة
- طيب و الحل
- الحل بسيط
- ايه هو
- شوفوا انتوا بقي ..تاخد حليب جمل
- و ده بيعمل ايه ده كمان
- بيخليك شاب في العشرينات
- و انت جربته ؟؟
- ايوه
- و نفع
- لا
- اومال .. عايزني اجربه ليه
- علشان انت حمار .... هعهعهعهع و مساء الخيرات .. ابقي خد الباب و انت خارج