إسماعيلي إس سي - i s m a i l y S C - المش ابو دود ..والخسارة من الحدود

المش ابو دود ..والخسارة من الحدود

حجم الخط Decrease font Enlarge font
image

هو عك في عك .. مش علشان اتغلبنا من حرس الحدود بضربة جزاء صحيحة

بالدقيقة 82 .. لكن اصلا العك من زمان شغال يا عم عثمان

ماتش اليوم امام حرس الحدود اللي هرب من الهبوط في الموسم الماضي واللي غلب الاسماعيلي 1-0 رايح جاي بالموسم الماضي واقل فرق تهديف مع الاسماعيلي بالموسم الماضي مع بتروجيت الهابط بالموسم الماضي .. لازم يغلب الاسماعيلي الموسم الحالي ... لان العك شغال من زمان يا عم عثمان .. هي نفس العقلية ونفس ادارة شئون الكرة في الاسماعيلي واللي بتشتغل بنظرية المش ابو دوده  ... تتوقعوا ايه التغيير و لا شئ

 الفريق بتاعنا جاب 3 اهداف في اربعة مباريات منهم هدف من نيران صديقة ودخل في شباكه 4 اهداف - نفس مشكلة الموسم الماضي كمان    

.. يعني نسبة التهديف هي هي بالموسم الماضي و اسوء كمان

 

 وكمان اخونا المدرب ميورداح اللي راح  ..اثبت ان الصربي اصله ... بلاص  و الدليل هو

لعب وجيه عبد الحكيم راس حربه .. يا سلام عليك يا وجيه ... لا اقعد يا عم وجيه

العب يا ابو اليزيد في مركز المدافع الايسر .. اتصاب ابو اليزيد .. العب مكانه يا عم العراقي

ويحرم الفريق من احسن واغلي لاعب بالفريق ويظهر همام تائها تماما وخاصة وهو يلعب في جانب المدافع الفذ محمد مجدي

البلاص الصربي قال عن المدافع الغاني ريتشارد انه مدافع صلد و صلب ... خلاص مشوا ريتشارد و اتركوا قلب الدفاع  بلا احتياطي الا محمد هاشم

 محمد حمدي مش اساسي .... لكن علشان فرملة عملها .. لعب اساسي وقعد وجيه وشيلونجو واللي جابوا شيلونجو

 اول امبارح .. اتمشي عم ميودراح اللي راح وشاف ناشئ كويس هو محمود عبد الله في فريق مواليد 99

وعلشان ميودراح يفرح عم ابراهيم بعد 72 ساعة من الاكتشاف  .. العب يا محمود وانزل يا محمود واتحرق يا محمود

ويبقي في الملعب الناشئين محمد بيومي ومحمد الضرف ومحمود عبد الله .. وبتاع المش ابو دوده

 عماد حمدي .. جدد ..لا مش مجدد .. العب يا حمدي ... اقعد يا حمدي ..بره ال 18 يا حمدي

عملوا لجنة افريقية مهلبية ..جابوا بيكيتي سيلفا ... بره يا بكيتي و الحق بالمارشال عودة و ربنا ما يقطعها عودة  

 الماتش مقفول تماما - تلعب بثلاث ناشئين يا هم ميودرح اللي راح ... اول فرصة للاسماعيلي كانت 50% في الدقيقة 27 من محمد مدبولي 

يعني الفريق مقفول عليه و بيلعب طارق العشري بطريقة 4-5-1 .. تلعب بناشئين يا مفتري

و مع ان  ميودراج زيه زي سيدومير يونافسكي فسكي مالوش ذنبسكي .. لكنه سيفشل زي يونفسكي و اللي قبله  .. علشان العك في ما قبل الماتش و عن طريق ادارة شئون المش ... مع المهندس ابراهيم عثمان .. فريق لا عنده بديل لحارس المرمي ( اوعوا تتخدعوا في اللي عندنا ) و لا مدافع ايسر و لامهاجم  صريح و هداف و لا قلب دفاع و ..كل ده ببركات  اخونا مدير ادارة المش ... عايزين ايه و نفوز ازاي و انت ما عندكش اهداف 

راجعوا احصائيات  الموسم الماضي في الاهداف لك وعليك ... لو كان المشرف علي شئون الكرة و المش .... أطبش ...  كان عالج الامور دي كلها .. لكت تقول لمين و تعيد لمين

الفريق لو كان فاز علي الحدود و دخل تاني في الدوري و لو بشكل مؤقت ... كانت مباراة الجزيرة في البطولة العربية ..حتبقي  ولعة و للجماهير و للاعبين و  الجميع كانت روحهم المعنوي في السما ... لكن ادارة شئون الكرة لا تعرف الا الغش  ... وما عندهاش الا المش

نتوقع مع هزيمة اليوم  ..ستكون الروح المعنوية هابطة للغاية امام فريق الجزيرة الاماراتي  بالبطولة العربية ... وده يحتاج اعادة شحن البطارية للاعبين والجمهور والجهاز الفني .. ازاي ما اعرفشي

 تصدقوا ان مفيش  لقطة حلوة في ماتش الاسماعيلي  طوال 95 دقيقة الا .......توقيفة المدافع اسامة ابراهيم علي صدره ...  بالدقيقة 18 من الشوط الاول

وسبحان  الله ولا حول ولا قوة الا بالله العلي العظيم ... يا اسماعيلي   

 

و بلاش  كلام زيادة في كلام خارج  المقرر

 في انتظار مباراة الجزيرة .... وكفاية ان اسم (  الجزيرة ) ولازم تطلع من الجامعة والبطولة العربية 

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1