إسماعيلي إس سي - i s m a i l y S C - و ناسيبنا الحكومة .. و سلاحف نصايب

و ناسيبنا الحكومة .. و سلاحف نصايب

حجم الخط Decrease font Enlarge font
image

كده يقدر اخونا المهندس ابراهيم عثمان - ينزل يخمس بالعربية

 .. و اخونا خلف  يصرخ و يقول : انا اللي عملت الفريق ده  ( بصوت الدكتور عمارة ) ... و الف مبروك  مبروك يا سلاحف ...دخلنا المتًسع الذهبي

وقرر المهندس ابراهيم عثمان صرف مكافاة مضاعفة للعارضة التي انقذت الفريق من تعادل الانتاج الحربي د 79 وتعيين  لاعب الانتاج احمد عفيفي متحدث رسمي للعارضة في المزرعة والتاكيد علي ارسال الدكتور ابراهيم فارس للكشف علي العارضة وعلاجها من الشُحار

وقرر ايضا المهندس ابراهيم عثمان ( بعد ما لم يتشاور مع اي واحد سحلوف ولا عبرهم )  ... تكريم صاحب مصنع السماد العضوي الذي رش به ريكاردو منطقة جزاء محمد فوزي  والغيط اللي امام .. بعدا طرح السماد لاعبين مدافعين اشداء اقوياء عتاولة شداد بيعملوا احلي اسيست للاعبي الانتاج داخل الستة يارد للخصم  ... والسماد الاستزراعي جعل نسبة الاستحواذ للانتاج الحربي  64% وللاسماعيلي 36% ... وجتها نيلة اللي عايزه خلف.. وما تفوهمينيش غلط

 فعلا ناسيبنا الحكومة ونجحنا بالبقاء مع الكبار ( باذن الله تعالي ) وياااااه يا زمن ... خليت العويل صاحب طين والسلاحف بقوا بهوات وجلسوا علي مقاعد زي تماثيل أيساف ونائلة و هبل وذو الأصبع .. والزمان الجيد قادم .. و سنكسر الاصنام قريبا و سنضع الفأس في رقبة كبيرهم 

قولوا يا رب يا كريم 

بس بيني وبينك يا عزيزي القارئ ( وما تقولشي لحد ارجوك ) .. انا مبسوط و حاسس كده كأن هم و انزاح من علي قلب الواحد وحاقطع ورقة النقاط و لفرق الاخري علي الاقل الي حين ميسرة 

 يا الله يا رحمن يا رحيم  .. الحمد والشكر لك يا رب ... و الله هم وإنزاح ..  عقبال السلاحف لما ترجع جنينة الحيوانات ويتفرج عليها الصغار والاطفال ويجيبوا لهم خس وجزر .كل يوم خس و جزر كل يوم خس و جزر ... اصل الكباب والبانية وحاجات اطياب.. وجعت بطنهم

الف مبروك لجماهير الدراويش - فقط - لان الليلة كانت حتبقي صعبة جدا لو خسرنا - المهم النقاط الثلاث - انزراع او سماد او بطيخ ...المهم الثلاث نقاط ...  و اهي الايام دول و لكن الاهم ان يعلم مجلس السلاحف و رئيسه .. اننا لن نقبل ما يحدث الان - ان يحدث  غدا 

و انا برضه بصراحة اعذر  المدير الفني البرازيلي هيرون ريكاردو  مع القماشة التايكةو الشايطة ...  اللي عملها - ابراهيم و خلف -  بصراحة فيه مهاجم في الاسماعيلي... لا يمكن يكون اصلا لاعب كرة قدم  علي الاطلاق .. و لو لعب مع استون فيلا ... حيجيب شلل لنص الكرة الارضية ..شئ مش ممكن و الله .. انا لا الوم اي لاعب- لان دي امكانيات و هو ماجاش لوحده  و خلفوشة و عثمانوسة ..هما اللي جابوه  من سموحة و شيلونجو  يرتاح ده عند ده ...و هو شيلونجو الابيض ... يا سبحان الله ..انت وحدك المعز المذل ... شوفوا  المهاجمين للاسماعيلي اللي فازوا ب 11 لقب هداف دوري ... يبقي اخرتها ده مهاجم الاسماعيلي ... الف ااااااااه  يا زمن

و كمان لاعبي خط النص و المهاجمين ملوك الرجوع الي الخلف  اول لاعب من الاسماعيلي بيستلم الكرة تزمر و تقول : بيب بيب بيب بيب الكرة راجعة الي الخلف كله خلف خلف  و ما تفوهمينيش غلط تاني

 تصدق يا مؤمن ان اول كرة كورنر للاسماعيلي كانت في د 54 والحارس عامر عامر ... لم يلمس الكورة في الشوط الثاني الا برجله !!!  في ضربة الجزاء بقي هو ده الاسماعيلي ده .. بصوت الراجل سواق التكتك

من الدقيقة 78 الي الدقيقة 96 ..الاسماعيلي خلاص مفيش ولا حتي ريش  و الكل حاطط ايده علي قلبه .. لا كرة ضالة .. كده والا كده والا محمد معروف الاسكافي والا الفار يحسب بلنتي كده  و نتعادل و الدنيا تبوظ ونجيب ورقة الحسابات ... من اول و جديد

ربك هو الستار الرحيم بينا و بجماهير الدراويش و اهو الثلاث نقاط  مهمين ... فقط نفوق و نطرد السلاحف ..لان اللي فيه داء ما بيبطلوش و لا تتوقع خير من السلاحف و لا من رئيسهم .... ربنا  يسترها معانا كمان و كمان و الله احنا غلابة من سنة سيدنا خشب و احنا غلابة  

فقط اليوم اثبت عبد الرحمن مجدي  انه يساوي نص فريق الاسماعيلي والنص التاني ..مشي حالك بيهم وخلاص يا عم ريكاردو   

وانتهي كلام خارج المقرر  

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1