انا اللي بعت توريك جبرين .. يا ادي الخيبة

ظهرت خلال الثمانية و اربعين ساعة الماضية .. مقالات و بوستات و كواليس يؤكد اصحابها انهم هم من كانوا

وراء تسويق و رحيل الغاني توريك جبرين الي نادي الوحدة السعودي

و تنازع اصحاب الكتابات .. شرف انه كان وراء رحيل لاعب ما من الاسماعيلي  بعدما كان - زمان - يتباهي الاسماعلاوية بمجهوداتهم بالابقاء علي لاعب ضمن صفوف الفريق و التغلب علي مشاكله .. اصبح السبب في رحيل توريك ..شرف يتنازع عليه .. ده ايه الخيبة دي    

و لعلنا ان شاهدنا الكواليس التي رصدها  احد المواقع الشقيقة و دققنا في تفاصيل تلك الكواليس جيدا - سيجد ارقام و ارقام و بلاد و بلاد و الصين و بكام الدولار اليوم و امس .. لكن بخصوص التلميح و لو من بعيد الي فين (الفن و الفنيات ) مفيش علي الاطلاق

اسماعيلي ايه و فريق اية و فنيات ايه و مين البديل ايه..و دور تاني ايه .. كل ده كلام فارغ و ما لوش لزمة .. المهم مين اقنع توريك انه يرحل و يروح الوحدة السعودي

شوفوا كده الحلاوة و الجمال في التصوير من اجل رحيل اللاعب

و كمان دي  

  طيب ايه الفرق بين الصور السابقة و الصورة دي

الذي يجمع بين الثلاث صور هو الابتسامة الحلوة اللي علي وجوه كل من يبيع و يتصور و هو بيبيع و البيع اصبح مهنة الجميع

و من سنة و نصف كان هناك من يتباهي في بيع جون انطواي و يقول : اكبر عرض لبيع لاعب في تاريخ الاسماعيلي

!!!!!!!!!!!!!!! 

ده ايه الحلاوة دي  

مش قلت لكم : احمد زي الحاج احمد

ده واضح ... احنا حنشوف ايام سودة مع الحاج احمد  

حد بيفكرفي الفنيات  و شكل الفريق و مستوي الفريق و الدور الثاني من الموسم و ترتيب الفريق في نهاية الموسم .. ابدا

المهم انا اللي كنت وراء بيع توريك جبرين

 يا جماعة الخير يا بتوع الكواليس... جماهير الاسماعيلي زكية جدا جدا و عددنا محدود علي المواقع و الفيس بوك و تقريبا كلنا نعرف بعضنا البعض  و كلنا بنعرف ماذا سيكتب فلان عن موقف ما و نعرف من يكتب او ماذا سيكتب .. قبل ان يكتب

بلاش نضحك علي بعض

اقول لكم   

اللهم بلغنا نهاية يناير ,,, و كل شئ  حينكشف و حيبان

 بس ارجو ان من يصر انه كان ورء بيع جون توريك ... يفضل مصر علي موقفه

يا خسارة ... فعلا.. و اهو كلام خارج المقرر