دقيقة حــــــــــداد
حجم الخط
بقلم الشاعر ميمي عوض ... نشارك جماهير الكرة المصرية مشاعرها في مصاب الرياضة المصرية
دقيقة حداد علي ضحايانا والشهداء
دقيقة حداد علي أرواح الأبرياء
علي كل معني كان جميل مات وانتهي
علي كل شيئ غير حياتنا كلها
علي النفس اللي مابقاش منها غير أشلاء
ع الطيبين والمخلصين والاوفياء
دقيقة حداد علي المبادئ والأخلاق
دقيقة حداد
*****
دقيقة حداد علي الفرح اللي راح ولا جاش
علي الضحكة علي البسمة اللي راحوا بلاش
ياقلبي ليه كل المعاني إتغيرت
والدنيا ليه كدة فينا باعت وإشترت
بقي مستحيل يرجع زمان الأوليــاء
دقيقة حداد
*****
دقيقة حداد علي كل قلب وكل ضمير
علي كل صحبة حلوة مابقاش فيها خير
علي كل ذكري جميلة ضيعها الزمن
علي كل نفس بريئة دفعت التمن
علي الروح اللي قتلوها بكل غبـــــاء
دقيقة حداد
جديد إس سي
.jpg&size=summary_small)
