بقلم م.احمد سمير
عايز حد يقولى فيها أيه .. بكل بساطة و من غير تعقيد .. فيها ايه لو تعماوا شئ يفيكم و يفيد النادي
حجم الخط
عايز أعرف حاجة..
فيها أيه لو شريف عبد الفضيل قعد على الدكة سنتين والحمد لله المدافعين عندنا كتير.
فيها أيه لو ندفع فلوس عشان نتعاقد مع مهاجم سوبر (لاعب واحد بس).
فيها أيه لو تبنوا نادى اجتماعى محترم أو نسمع على الأقل ان العمل فيه سارى.
فيها أيه لو عمر جمال كان عمل العملية فى ألمانيا من أول المشوار وخصوصا فى الوقت اللى كان الكل فيه بيدفع.
فيها أيه لو ابتديتوا من دلوقتى فى تنفيذ برنامجكم اللى صدعتونا بيه قبل الانتخابات.
فيها أيه لو عملتوا لجان وكل لجنة فى اختصاصها ووفرتوا الوقت اللى انتوا عاملين فيه لجنة كرة وتوفروا الوقت ده بإنكم تشوفوا ازاى توفروا موارد للنادى أفضل
بدل ما انتوا كل ربع ساعة فى برنامج.
فيها أيه يا بشمهندس نصر لو قلت أنا مش هودى الناشئين وجونسون لطلائع الجيش ببلاش غير لما نشوف اللى بتقول انه (هيتنفذلك) .. اتنفذ بالفعل قبل ما ياخدوا اللاعيبة أو على الأقل ياخدهم إعارة أهو يستفيد واحنا نستفيد.
فيها أيه لو أعضاء مجلس الإدارة اتفقوا على رأى واحد بدل وغيرنا فكرة كل واحد مقتنع برأيه.
فيها أيه لو أعضاء الجمعية العمومية اتفقوا على رأى واحد إما بمساعدة المجلس أو بإحلاله.
فيها أيه لو ريحنا الإعلام من أى فبركة ونديهم الخبر الصحيح فى كل المصادر مش مصدر اديله خبر ومصدر اديله خبر تانى - واخد بالك طبعا يا اللى فى بالى -
فيها أيه لو نحط فى نفوس اللاعيبين من الآن إنهم لازم يبقوا أول الدورى من أول أسبوع للاسبوع الأخير.
فيها أيه لو أخدنا القرارات دى كلها فى وقتها قبل ما النار تكبر ونبقى فى كمية المشاكل اللى احنا فيها دى.
.jpg&size=summary_small)
