حسني يانجم يافنان جيلك (( شعر جديد ))

بقلم ا. ميمي عوض .. حسني يانجم يافنان جيلك *** راجل طول عمرك وكبير

نفسي حقيقي نرد جميلك *** ده اللي عملته عشاننا كتير

انت مثال رائع للغير *** ولا شوفناش في الدنيا مثيلك

ياحسني يانجم يافنان جيلك

*****

يوم عن يوم تضرب أمثال *** في أصالتك وكمان إخلاصك

ماعملتش خاطر للمال *** ولا بعتش أهلك أو ناسك

تستاهل مليون تمثـــال *** وجوة قلوبنا ياغالي نشيلك

ياحسني يانجم يافنان جيلك

*****
نفسي الناس تتعلم منك *** إن الدنيا ماليها آمان

غيرك باعنا وبعيد عنك *** داس علي عشرة بقالها زمان

إملا الدنيا ياحسني بفنك *** وزي ماتديها هتديلك

ياحسني يانجم يافنان جيلك

*****
نتمنالك كل الخير *** وتعلي وتكبر يوم عن يوم

اصلك راجل كله ضمير *** وماشمتش فينا خصوم

بينا وبينك حب كبير *** وطول العمر رح ندعيلك

ياحسني يانجم يافنان جيلك

*****