إسماعيلي إس سي - i s m a i l y S C - مقابلة الإسماعيلى فى السيرك

مقابلة الإسماعيلى فى السيرك

حجم الخط Decrease font Enlarge font
image

بقلم د.جمال ثروت ...من كثرة التوتر والقلق فى دوامة أحداث إنتخابات الرئاسة وما قبلها والتى أثرت على أعصاب الكل

 ، فكرت أغير هذا الجو المشحون بالذهاب للسيرك القومى بجانب مسرح البالون بالمهندسين دخلت السيرك وجلست ومع الوقت شدتنى فقرة مهرج السيرك حين يفتعل حركات تضك وتخرج الواحد من الجو المشحون خارج السيرك ، وبعد عدة دقائق وجدت شخصية تجلس بكرسى كان فارغاً بجانبى وحين جاء أمام الكرسى ظل واقفاً للحظات ليرى المهرج فى موقف مضحك وبعد إنتهاء هذا الجزء من المشهد جلس وحين نظرت إليه فوجدته الإسماعيلى فقال لى أهلاً يا صديقى إزيك فينك من زمان فرديت أهلاً بالغالى واحشنى كتير وسبب البعد هو حال الإنتخابات والفزاعات وحركاتها المزعجة وأكيد يا غالى إنشغلت زى حلاتى بالتوتر ده ، رد الإسماعيلى طبعاً وعلشان كده قلت آجى السيرك وأغير جو علشان الواحد يتنفس ، قلت له والله وما ليك عليا حلفان أنا زيك وزى ما تقول كده توارد خواطر .

وكملنا مشاهدة فقرة المهرج بالكامل وضحكنا بما فيه الكفاية وأثناء تغيير الفقرة لفقرة أخرى ، سألت الإسماعيلى ما آخر أخبار سيرك الدراويش ، ضحك وقهقه كتير وقال سيرك مين يا صديقى ما الفريق كله إتبعتر وجابوا بدالهم شوية أشبال على كام واحد مبتدىء على كام واحد مغمور وبعدها يجهزوا سيرك جديد وشوف بقى ها ياخدوا وقت أد إيه لما يقدروا ينصبوا سيرك الدراويش من جديد وأنا وحظى ، يا إما نشوف سيرك يا إما نشوف فريق مركز شباب كفر أبو طشطوش .. وربنا يكرم ، قلت له طب والمدير الفنى الجديد ده يقدر يطلع من الجداد دول حاجة ترجع السيرك من تانى ؟؟ رد وقال هه والله هما إتبعوا المثل اللى بيقول ( على قد لحافك مد رجليك ) وواحد وطنى أحسن من الأجنبى واللى نعرفه أحسن من اللى ما نعرفوش والأجنبى ما نقدرش على مصاريفة ، وكله ماسك فى حكاية الفقر وإنه السبب فى بعترة الفريق .

بدأ مشهد الأسود مع آل الحلو بطرقعة الكرباج ودخول الأسود وبدأ المشاهدين فى الإنبهار بالفقرة لأن مجرد مشاهدة الأسود مع المروضين فى حد ذاته له تأثير كبير على المشاهدين ، وبعد الإنتهاء من الفقرة والفاصل بين الفقرتين سألت الإسماعيلى متى نرى نجوم الدراويش كالأسود فى الملعب ومطيعين للمروضين فى النادى والجماهير تنبهر بمشاهدتهم ؟ رد وقال لما الأشبال الجداد يكبروا والمغمورين يتدربوا على المهارات والإنسجام مع الفريق ككل ونعودهم على أعمال السيرك الدراويشى المعروف نشوف النتيجة ، كملت معاه الحوار وقولت له : والله يا غالى نفسى زى كل اللى بيحبوا الإسماعيلى إنك ترجع بسرعة لوضعك الطبيعى لأنه كل العناتيل اللى قادوك عمالين يلخبطوا فى السيرك بتاعك لدرجة إنه السنه دى إتبعتر الفريق بطريقة تخوف ، رد عليا بثقة ما تخافش عليا جتتى نحست وخدت على الموال ده من سنوات فاتت ولكن دايماً أكون أعلى من كل واحد فاكر إنه هو الإسماعيلى مع إنى رغم كل ده أنا قاعد جنبك أهو فى السيرك ومبسوط وعارف إنى أكبر من كل دول بدليل إن كل لاعبى مصر يتمنوا يلعبوا عندى وكمان المدربين والمديرين الفنيين ، والتاريخ شاهد كل من جاء عندى صيته على وبقى مطلوب فى مصر وبره مصر ومشهور كمان حتى لو مش لاعب كرة فى الفريق ، ده أنا مشهور بصانع النجوم ، وسأظل غصب عن أتخن تخين دخل عندى وبكره تشوف .

بجد كلام الإسماعيلى ريحنى وحسيت بالأمل والثقة دى تريح كل الإسماعيلاوية ، وبعدها أكملنا فقرات السيرك وخرجنا ليذهب كل منا لبيته ، وقولت للإسماعيلى يارب نرى سيرك الدراويش زى ما فكرنا السيرك القومى بيه النهارده ، رد عليا وقال ما تغيبش عليا يا صاحبى ونشوفك فى مكان جديد ونكون سعداء بفريق جديد وسيرك دراويشى جديد ونتكلم عن إنجازات نصب سيرك الدراويش من جديد ، قلت له مع السلامه يا غالى ونتقابل على خير وسلم لى على كل أحبابك فى الإسماعيلية ، فى رعاية الله .

هذه إحدى المقابلات الخيالية مع الإسماعيلى والتى قد تحمل بين سطورها واقعاً فى قصتها له مدلولات معينة لعلها تصل لللأعضاء والقراء المحترمين ، مع وافر تحياتى وتقديرى للجميع .
جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1