إسماعيلي إس سي - i s m a i l y S C - من يريد الاستقالة ... فليرحل و لولولولولي فرح

من يريد الاستقالة ... فليرحل و لولولولولي فرح

حجم الخط Decrease font Enlarge font
image

نستكمل الجزء الثاني من تقرير التعنت و الابتزاز و السقوط الإعلامي و الهايبر و خط الدراويش و الرنات.. و لكن قبل ان ندخل

 

... في الفقرات الخاصة بالجزء الثاني
 

يجب ان نعود الي فترة اعادة الانتخابات علي رئاسة الدولة  - و وقتها لم يكن واحدا من من نجحوا في انتخابات الجمعية العمومية للنادي الاسماعيلي ومن بعدها اصبح عضوا محترما في مجلس ادارة النادي الاسماعيلي – كان كان ان اعلن عن نفسه مرشحا لدخول الانتخابات- كله كان مستخبي و بيحسبها   ... و من بعد انتهاء جولة الاعادة لرئاسة الدولة ..وجدنا سيلا من اسماء المرشحين سواء علي منصب رئيس النادي الاسماعيلي او نائبه او عضوا بالمجلس

و دار و لف و قال و عاد و وقف و جلس و راح هنا و هناك ...كل  مرشح  ( من السادة اعضاء المجلس الحاليين ) و ملأ الدنيا حديثا عن برنامجه العبقري و اللوزعي ... و انه مقاتل و جندي  و عفريت من عفاريت العشق الاسماعلاوي و سيعمل المعجزات من اجل النادي ... و من بعد نجاحه في الانتخابات ..حرص علي مرشح علي علاج يده اليمني ..من كثر السلام علي اعضاء الجمعية العمومية و مع القبلات و الاحضان في نهاية اغسطس و الحر و الرطوبة

أصبح المرشح  الطامح ... عضوا محترما ... و قام بتفصيل عدة ( بدل )  او حتي ( قمصان )  لزوم الوجاهة و المنظرة و فلاشات الاعلام و المواقع ... و صار المرشح ... نجما

فجأة الاخ المرشح العضو ... استقال و مش عايز يرجع

 

طيب المرشح الذي صار عضوا ( ببدلة)  استقال ليه ... من الابتزاز او التعنت او الشكاوي .. محدش عارف

و مش عايز  المرشح  ... يرجع  ليه ... برضه محدش عارف

 

و يا اخوة يا اعضاء مجلس النادي  المستقيلون ...  علي فكرة .. الاستقالة المسببة غير معترف بها في اللوائح و القوانين و المعترف بها الاستقالة المعلقة  فقط .. و هي تختلف ... يعني كلها اتنين و ثلاثاء و اربعاء .. و ترجعوا تسلموا علي الاعضاء  و تخدوهم بالحضن و ترجعوا ( البدل و القمصان ) الي (  ابو نسمة  )  و ابو نسمة  - ده اللي باع البدلة لأحمد حلمي في فيلم جعلتني مجرما .. علشان محدش يفهمني غلط .. زي موضوع  ( حمادة يلعب ) !!!!

و مع السلامة يا اعضاء الادارة المستقيلون ... و البركة في الكابتن أنوس ...يطبع لنا كام ورقة ( ايه فور ) عليها اسماء مرشحين جدد  و نجتمع كاعضاء الجمعية العمومية ( في الحر ) تاني و ننتخب مجلس تاني

النادي الاسماعيلي العريق و الكبير .. لن   يقف عليكم ..ايها المستقيلون بسبب لا تعرفونه ... لانكم ( ما جبتوش الديب من ديله )  و  21 مجلس في 24 سنة .. مش مشكلة يبقوا 22 مجلس ... ما فرقتشي

 

اللي بيتكلم عن التعنت و اجهاض الحلم و سرقة فكرة خط الدراويش.. ان كل الناس ( وحشين و اشرار و فريد شوقي  ) ... يبدو انه قادم من طهطا او شلاتين او حلايب  .. و ليس ابن الاسماعيلية و لا يعرف مأسي العمل العام للاسماعيلي و مواجهة كل شئ مستحيل .. سواء من داخل الاسماعيلية او خارجها

الدكتور رافت عبد العظيم  - كاد يهاجر و يترك الجمل بما حمل  .. و المهندس نصر ابو الحسن كاد ان ينتحر  .. و من قبلهما ...  المهندس سعد الجندي , نام  في النادي خوفا من الهجوم الذري ... و المهندس ابراهيم عثمان اخد بعضه اوما تبقي منه و رحل مع الدكتور العظيم اسماعيل عثمان .. و من قبله و من قبله

 

هل كان السادة المرشحين الاعضاء ... فاكرين انهم سيكونوا اعضاء لادارة الاسماعيلي الواقع الي جوار الحاج ( افلاطون ) في المدينة الفاضلة

 

لا ياسادة .. يا مستقيلون يا جامدين يا أشاوس  ... الاسماعيلي محتاج رجال اشداء عتاولة .. لان عدد المتربصين به  ..اكثر من المحبين له من داخل الاسماعيلية و خارجها

 

عايزين الخلاصة كمان .. الجهة الادارية لم ترفض خط الدراويش و ترسيته علي اتصالات بشكل رسمي او فهمي او نظمي  .. و لا توجد مراسلات ادارية من مديرية الشباب و الرياضة ..  الي الساعة 12 من يوم الاحد الموافق 4-11- 2012 .. و لو كنتم جادين و اداريين علي حق .. كان اعلان المزايدة اتعمل امس السبت و السبت القادم ... تم احضار العقود من شركتي فودافون و موبينيل .. و خلصت الليلة

 

لكن سؤال لو سمحتم .. استقالتوا ليه

و مش عايزين ترجعوا في الاستقالة .... ليه

 

فاكرينا حنزعل ... لولولولولولي ... فرح

 

هي خيمة  جديدة و اوراق جديدة .. و يبقي عندنا مجلس ادارة جديد و  رقم 22  في ربع قرن

و الجزء الثاني ..بعد قليل

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1