إسماعيلي إس سي - i s m a i l y S C - يا صبحي .. أتنــيـل يا صبحى

يا صبحي .. أتنــيـل يا صبحى

حجم الخط Decrease font Enlarge font
image

بعض جماهير النادي الاسماعيلي .. مش هنا و لا هناك خالص .. بيفكروا في صلاح ريكو و عرفة السيد و محمد سالم و لاعبين سوبر

  السوبر من نيجيريا..  البعض في دنيا و النادي في دنيا خالص

بعض جماهير النادي بتفكر ان موضوع بيع الغاني جون انطواي..سيفتح خزانة مغارة علي بابا و سيتم عمل فريق كامل من حصيلة فلوس  الشباب السعودي ..ده في حال اتمام الصفقة من الاصل

و كمان هناك من يقول ان كانت بطولة الدوري بعيدة عن الاسماعيلي .. فبطولة كأس مصر من حقنا .. بشرط اننا نستغل فلوس صفقة بيع جون انطواي في تدعيم الفريق بلاعبين سوبر و نخلص الديون اللي علي النادي  و ندفع مستحقات اللاعبين و نهدئ  ظروف الفريق .. و الكاس من حقنا

حاجة كده زي الأخ صبحي .. اللي ما كانش معاه  الا توصية من المعلم برايز  في فيلم ثقافي .. لا معاه فيديو و لا تليفزيون و لا مكان ... معاه فقط الامل في ان يتفرج علي فيلم ثقافي

و نقول له.. كما نقول لأنفسنا .. كما قيل له في الفيلم : يا صبحي .. أتنــيـل يا صبحى

 و يا أخ صبحي .. مجلس ادارة المغارة  الرئيس في الإمارة .. لبسونا في الحيط

حتي لو باعوا جون انطواي و تعالي نحسبها بالعقل و الارقام يا عم صبحي

افترض اننا بعنا انطواي - كما هو معلن بمبلغ 20 مليون جنيه - سيكون حظ الاسماعيلي 12 مليون جنيه و حظ نادي ردريمز الغاني و وكيل اعماله 8 مليون جنيه

و بالاقساط كمان .. يعني الاسماعيل حيوصل له 6 مليون و بعدين 3 مليون كمان شهرين و 3 مليون كمان  4 اشهر

ده لو معملشي معانا الشباب السعودي زي ما بيعمل مع غيرنا  

مطلوب يا عم صبحي من الـ 12 مليون جنيه حصة للضرائب 1.2 مليون جنيه  و هناك مطالبة للتامينات بقيمة 340 الف جنيه حتي نهاية شهريناير الجاري و مصاريف كهرباء و مياه و موردين و غيرها لتصل المطالبات الي 2 مليون جنيه - مصاريف ادارية فقط

مطلوب كمان يا عم صبحي .. 5 مليون مستحقات اللاعبين الذين رحلوا من النادي و في افضل الظروف و بعد مفاوضات للتقسيط يتم دفع 2 مليون جنيه لفتح باب القيد المغلق في وجه الاسماعيلي - نقول 2 مليون جنيه- و في حال تقدم صبحي و حمص لوحدهما سيرتفع المبلغ الي 3 مليون جنيه علي الاقل و بعد مفاوضات - لن تنجح - لكن حنفترض ذلك   

اتحاد الكرة المصري يطالب بمبلغ مليون جنيه  عبارة عن رسوم قيد جديدة 300 الف جنيه و رسوم قيد بلجنة شئون اللاعبين كديون قديمة 700 الف جنيه      

و كمان يا عم صبحي .. معظم الفريق حصل علي 25% من صغار اللاعبين و الباقي الكبار مثل الحضري و السولية و شوقي السعيد و غيرهم منتظرين مبالغ لا تقل عن 1.5 مليونلاجنيه لغلق مبلغ 25% الاولي و مطلوب للـ 25% الثانية 5 مليون جنيه و هناك مكافأت متأخرة و رواتب جهاز فني مصري و برازيلي  و رواتب موظفين حتي نهاية يناير فقط حوالي مليون جنيه 

هناك كوارث كمان يا عم صبحي - ان تم احياء مشكلة مستحقات النيجيري جودوين و البرنس اركو و القسط الثاني لمارك فوتا .. يعني كمان مليون جنيه 

احسب كمان يا عم صبحي .. لاعبين سوبر بمقدم مليون جنيه ومستحقات البرازيلي لوبيز لو احببت ان تسرحه في يناير يريد 50% من تعاقده البالغ 700 الف جنيه يعني 300 الف جنيه 

نحسبها بقي يا عم صبحي

 الاسماعيلي ممكن يحصل علي 12 مليون جنيه من صفقة بيع جون انطواي ( اللي معطل الصفقة علي فكرة هو محاولة عدم سداد نصيب نادي دريمز ووكيل اللاعب من الدفعة الاولي بقيمة 50% من الصفقة )

 و رئيس النادي عايز ياخد انطواي الي دبي في الامارات - علشان يخلصها من هناك بعيد عن الأزمات

و ده سر بيني و بينك يا عم صبحي.. بس ما تقولشي لحد 

يعني ممكن نحصل علي 12 مليون و لو بالاقساط .. لكن مطلوب من الاسماعيلي حسب ما سبق 15 مليون جنيه حتي نهاية شهر يناير الجاري فقط  أيه رائيك يا عم صبحي 

 مالك .. كشرت ليه ..طيب خد الثقيلة بقي .. الاسماعيلي مطلوب منه 24 مليون جنيه حتي نهاية الموسم الحالي و بدون مستحقات و ديون حكومية

  و المجلس في المغارة.. و الرئيس في الإمارة

بتقول ايه يا صبحي بتقول : ربنا ما يرداش  بالزووولم 

طيب يا عم صبحي .. انت مش كنت ساكت و بتهلل لمجلس المغارة  و طالما الرئيس في الإمارة و بيدفع .. كنت انت مبسوط 

 يا ما قلت لك يا صبحي ..مهما الرئيس يدفع .. لابد ان يتوقف  و لابد ان يشتكي و لابد ان يتحكم  كديكتاتور لحد ما يجيب ضلفها

قول لنفسك و احنا معاك  يا عم صبحي :  يا صبحي .. أتنــيـل يا صبحى 

 

       

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1