إسماعيلي إس سي - i s m a i l y S C - يا ويلكم .. يا ويلكم .. يا جزائر

يا ويلكم .. يا ويلكم .. يا جزائر

حجم الخط Decrease font Enlarge font
image

بقلم ا.ايمن دياب .. طبعا العنوان غير مكتوب باللغة العربية الفصحى

 ولا اقصد الويل والثبور للأخوة الجزائريين . . ولكنني تذكرت رئيس قطاع باحد اكبر مصالح الدولة وهو يقابل وفد اجبني ومش عارف يقول كلمتين على بعض بالانجليزي راح خابطها وقايلهم يا ويلكم يا ويلكم يعني يا اهلا يا اهلا بالعنجليزي
ده مش هزار ده بجد واحتفظ لنفسي باسم رئيس القطاع الهام بالشركة الهامة
ويبدو ان الاخوة في ديوان عام محافظة الاسماعيلية ماشيين برضو بنظام يا ويلكم

الاخ حناشي راكب راسه وبيقول مش ماشي . . الا لما اخد ردود واجابات من الجانب المصري وعقوبة من اساء للشهداء!!!

وده سيطالب باستفسارات من الجانب المصري يعني ايه؟؟

هايبعت مثلا استجواب لمجلس الشعب ولا هايعمل استدعاء لوزير الخارجية علشان يقابله في ايتاب

حاجه غريبة وحاجه تقرف

القبائل بيشتغلونا مثلا ؟؟؟ وكمان رئيس القبائل ده اللي يعتبر الد اعداء روراوة وياما هاجم روراوة واعترف قبل كده عليه بانه سبب اثارة المشاكل مع مصر جاي ياكل عيش ويتلمع على قفانا هو كمان

حتى انت يا حنيش عايز تتلمع على قفا الدراويش

صحيح اشمعنى انت يعني اللي مش هاتتلمع . . اذا كان الفاشل وزعيط ومعيط ونطاط الحيط بيتلمع على قفا الدراويش هاتيجي يعني على حنيش!!!!

الأهم في كل الموضوع هو سبب تهوين واستهانة حنيش الذي لا وزن له ولا اهمية باستقبال الاسماعيلية له ولفريقه المهزوم بإذن الله

السبب يا جماعه وعلى بلاطه كده هو سيادة اللواء المبجل المفتخر الفخراني بك محافظ الاقليم

اللي اجبر الاحياء ورجال الاعمال والبقالين وكافة عموم الاسمعلاوية على طباعة لافتات فشر لافتات مباراة في حب مصر المشهورة

ولكن المرة دي عملوا اكواد بقى لكل جهة . . يعني بدل ما يكتبوا حي ثان يرحب بالضيوف راحوا كاتبين الاسماعيلية ترحب بالضيوف وتحتها بحجم خط صغير رقم 8

وهكذا اصبحت فايد رقم 11 والقنطرة رقم 3 وديوان عام المحافظةطبعا رقم 1

والسبب في هذه الاكواد هو العبد لله بعد ان ابديت اعتراضي واستغرابي لوجود لافتات في مباراة في حب مصر تحمل عنوان حي ثان يرحب بالنادي الاهلي!!!!

ووقتها اعترف المحافظ بالخطأ وان الاحياء بالتأكيد لا ترحب بالاهلي والمحليات لا تعرف الزمالك

فابتكر العباقرة الاكواد . . مش بس اكواد دول كمان مشيوا بنظام يا ويلكم بس بالمقلوب

يبدو ان الاستاذ حنيش لم يفهم هذه الاكواد . . بل من المؤكد انه اساسا لم يفهم اي لافته معلقة ترحب بهم لان اللافتات كلها كتوبة باللغة العربية وبعضها بخط النسخ والاخر بالرقعه

طيب يا عالم يا خلق هوووو ياللي دفعتوا مئات الالاف في اللافتات دي ماتكتبوها بالفرنساوي . . مش هنقول بلهجة شبيبة القبائل المحلية الغريبة . . لكن كاتبينها بالعربي ترحيب بعالم ماتعرفش اصلا عربي

بالذمة ومستنيين ايه من حنيش وقليش ونطاط الخيش

طبيعي واحد خفيف زي حنيش ماعرفش ان فيه لافتات ترحيب وصل تكلفتها الى مليون جنيه من لحم الحي من مستحقات شعب الاسماعيلية لانه مابيقراش عربي

والراجل تلاقيه افتكر ان الاستقبال على قد عزومة سمك وشوية العصير اللي شربوه

نقول ايه بس

اه يا بلد لا تعرف لا ادارة ولا علاقات عامة ولا تخطيط ولا يحزنون

ويا رب النصر من عندك
 للقراءة و التعليق
جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1