|
فكرة رائعة وياريت تتنفيذ ممكن تبدا من 100جنية
|
تم تثبيت الموضوع ايضا للأهمية
|
10جنيه قابلة للزيادة على حسب الظروف
|
الفكره جميله واتعرضت قبل كده أكثر من مره لكن كانت بتقف في النهايه ويمكن اكثر مره وصلت لمراحل الجد , كانت لما الناس قالت نضيف مبلغ 10 جنيه شهريا علي كل فاتورة كهرباء لمحل و5 جنيه علي كل فاتورة كهرباء لشقه , ووقتها المجلس المحلي رفض الفكره وقال مينفعش. الفكره ممتازه كما وضعت من جانب الاستاذ عصام صاحب التوبيك وليس كما حورها الاستاذ هشام في مداخلته الاخيره. ببساطه , انشاء شكره معناه فيه تجاره معناه فيه ربح يعني مكسب مشترك بين صاحب السهم وبين الاسماعيلي حامل الاسم التجاري , ولنفترض انها ستكون بنسبة 50-50 بين الطرفين. لكن اللي بيتكلم عليه استاذ هشام هيكون عباره عن asset قيمته بتقل مع الوقت علي عكس التجاره اللي قيمتها بتزيد يوم عن التاني. طيب الشركه هتشتغل في ايه ؟؟ اي حاجه ان شاء الله حتي تتاجر في المانجه , اي حاجه مكسبها شبه مستقر وفيه الناس اللي بتفهم في المجال ده. بس انا عندي اقتراح وبالنسبه لي هو مهم جدا جدا , انا شايف ان الشركه دي في حالة تفعيلها يكون مقصور شراء اسهمها علي الاسمعلاويه المولودين في اسماعيليه واولاد مواليد اسماعيليه , يعني من الاخر بطاقتك فيها رقم 19 اللي يخص اسماعيليه. لان ببساطه لو فتحناها لاي حد يوم ما الشركه هتقف علي رجلها , او يوم ما هيكون فيها بادرة امل للاسماعيلي , ممكن تلاقي الاهلاويه وما اكثرهم ينزلو يشترو الاسهم دي ولو حي شبرا بس نزل يشتري هيكون اكثر من اسماعيليه , يعني هيكون معاه اكثر من 51% من اسهم الشركه ووقتها هيكونو هما المتحكمين فيها , يعني خراب مستعجل وموجه. لكن الفكره جميله كبدايه , بعيدا عن مجلس الاداره , لأن ببساطه محدش بيدي فلوسه لشوية حراميه. لكن هنحتاج الكثير والكثير من الدراسه قبل اتخاذ اي خطوه فعليه لان ببساطه دي فلوس ناس وانا اقدر ادفع 100 جنيه شهريا ولو شركه ممكن اشتري اسهم من 1000 ل 2000 جنيه مثلا. |
اقتباس:
الاخ الفاضل / الحاج هشام الكسار كل الشكر لتغيير اسم التوبك حتى ينطبق اكثر على المضمون و أقتراحك أكثر من ممتاز لان ماترشحه يعتبر من الاصول الباقية فى النادى و ليست مساهمة مباشرة لمجلس الادارة و لكن أستأذن حضرتك فى تأجيل هذا ألاقتراح البناء لحين بلورة فكرة الاسهم و استثمارها مما يجعلها دخلا مستمرا و ليست مجرد تبرع و ينتهى عملا بالمثل القائل ( أن تعلمنى الصيد خير من أن تطعمنى كل يوم سمكة ) و أأمل أن تكون تبرعات كبار عشاق الاسماعيلى هنا فى موقع اس سى نواة يضاف اليها تبرعات من كبار رجال الاعمال و كبار محبى الاسماعيلى داخل مصر و خارجها و الله المستعان مع تحياتى و تقديرى لشخصك الكريم |
اقتباس:
الاخ الفاضل استاذ زيكو تحياتى لحضرتك انا عارف قد ايه عشقك للاسماعيلى انت و كل الشباب المشرف و الذى يعد واجهة محترمة لجمهور الدراويش و الله ينور عليك لانك انتقلت الى مناقشة نشاط الشركة و المؤكد ان القائمين عليها يمتلكون العديد من الافكار المدروسة للاستثمار و دعنى أختلف معك بالنسبة لتخوفك و رغبتك أن تكون المساهمة حكرا على ابناء الاسماعيلية فعشاق الدراويش لا يمكن لنا أن نجعلهم فئتين ... هذه واحدة و الاخرى التى تسبب لك المخاوف و هى أن يمتلك جمهور الاهلى أكثر من 51 % من الاسهم فهى بعيدة بعض الشئ و من المؤكد أن هناك من الضمانات ما يجعل تلك المخاوف بعيدة عن أرض الواقع باذن الله مع خالص الشكر على مساهمتك المتوقعة و نقول ... يا رب |
اقتباس:
بس تضمن منين ان اصحاب الاموال من اي مكان ميبقوش هما اصحاب القرار وكمان نسبة الاسمعلاويه من بره اسماعيليه نسبه قليله مقارنة باللي جوه بس عموما نبدأ نتكلم في وقائع ووقتها نبقي نحط 100 مانع ان شاء الله بس نطلع من حيز الكي بورد والانترنت ونطلع للواقع لان المرحله دي مش سهله زي ما الناس فاكره |
خلاص يا استاذ عصام
مفيش مشكلة خالص دعنا ننتظر ونري وانا علي العموم مساهم في كل الاحوال ومعاكم دائما في خدمة النادي الاسماعيلي |
يارب تكمل على خير
|
وانا معاكم زى مانتوا عايزين
شهريا او مبلغ مالى اعملوا بس الحساب و ياريت نشوف تسويق لموضوع العضويات الجديدة |
انا اسمعلاوى قديم من القاهرة واود ان اشترك فى النادى الاسماعيلى واكون عضو فى النادى فهل اجد المساعدة
|
اقتباس:
أجمل كلمة اتقالت يا باشا نطلع من حيز الكيبورد و من سجن الكلمات و رغم كل الصعوبات فان ارادة تلك الجماهير المحبة بصدق ستكون باذن الله درعا للدراويش تتحطم عليه أعتى الصعوبات |
| الساعة الآن: 14:38 |
Powered by vBulletin ®