منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   النادي الاسماعيلي Ismaily Club (http://www.ismaily-sc.com/vb/forumdisplay.php?f=3)
-   -   ساهم معنا في دعم النادي الإسماعيلي (http://www.ismaily-sc.com/vb/showthread.php?t=13263)

adham 31-07-2010 21:11

اقتباس:

المشاركة الأصلية كتبت بواسطة عصام رشوان (المشاركة 328442)
الله على جمهورك يا اسماعيلى

يحمييييييك ياااااا أدهم

لا شكر علي واجب يا استاذ عصام

الاسماعيلي ده خيره علينا
الاسماعيلي نفديه بعنينا
مين اللي قال ده نادي فقير
ليه يعني ملوش جماهير
عشاقه كتير في كل مكان
جوه مصر وبره كمان
قادريين نرجع لنادينا هبته
وميتقلش ده نادي غلبان
مد ايدك يا اسمعلاوي
وخلي الفن يعود من تاني
حلوة الحكاية وعجبتني
وهنبدأ تنفيذ في ثواني
ارجوكم اتفئلوا معايا
وفكرتنا هي البداية
ولسه الافكار جية كتير
بس نبدأ وبكل ضمير

عصام رشوان 31-07-2010 21:22

اقتباس:

المشاركة الأصلية كتبت بواسطة وائل القرعلى (المشاركة 328563)
استاذنا الكبير المحترم/ عصام رشوان مجهودنا المتواضع الذى تشيد به انا وفادى لخدمة النادى الاسماعيلى يتضاؤل وينزوى خجلا امام ما تفعله الان انت والاخوة الافاضل فى الموقع هنا ان شاء الله انا وكل الشباب من حركة احياء الاسماعيلى معكم ان شاء الله ونتمنى بلورة الفكرة اكثر والاستقرار على شكلها النهائى واعلان رقم الحساب وتثبيته فى واجهة الموقع حتى يتثنى لنا نشر الدعوة فى الاسماعيلية وبين الشباب وانا عن نفسى ان شاء الله معكم ولن احدد مبلغ معين الان ولكن ساقوم ان شاء الله بانهاء اجراءات عمل العضوية بالنادى لانى وللاسف كنت مقصرا جدا فى حق النادى وتاخرت عن عمل العضوية فيما مضى ولكن من الان لن اكون سلبى مرة اخرى وسنعمل بالتوازى مع حملتكم المحترمة ان شاء الله بحملة اخرى لعمل عضويات للنادى بين شباب الحركة وشباب الاسماعيلية جزاك الله كل خير وجزى الجميع عن الاسماعيلى خير الجزاء واتمنى ان شاء الله ان انال شرف لقاء والتعرف بشخصك الكريم

الحمد لله رب العالمين
انا كدة ارتحت و اطمنت ان الفكرة سوف يكون ورائها رجال و شباب
همهم الاول و الاخير مصلحة النادى الاسماعيلى
الاستاذ وائل القرعلى و معه مجموعة مثقفة و محترمة ضمانى لنجاح الفكرة فى الاسماعيلية
و أكثر من رائع اقتراح العضوية بالطبع لاننا كلنا مقصرين فى هذا الامر
و شرف لى التعرف عليكم
كل الشكر ليك يا استاذ وائل

عصام رشوان 31-07-2010 21:28

اقتباس:

المشاركة الأصلية كتبت بواسطة ابو الشام (المشاركة 328599)
الاسماعيلية عروس القناة:- اباؤنا واجدادونا عملوا فى هذا الشريان الحيوى العالمى الذى يمر ببلدنا ومن حقنا على مصران ينوبناولو قطعة من كعكة القناة اللتى تبلغ اكثر من 30 مليون دولار سنويا/المعلم عثمان كان يجول بالنادى الاسماعيلى فى انحاء الاقطار العربية لاقامة مباريات يخصص ايرادها للمجهود الحربى/عثمان0 بنى مصرايام السلم والحرب وهذه بلده فاين التقدير يامصر/شعب القناة دائما السند الاول للقوات المسلحة فاين الدعم00،وعلى كل فنحن باستطاعتنا اقامة النوادى الاجتماعية والمول ونستطيع عمل دور للسينما والمسرح ودور للمناسبات وصالات لاقامة الافراح واستلام جزء من شط البحيرات لعمل بلاج كمشروع استثمارى مع المشاريع اللتى نوهت اليها سابقا ويخصص ايرادها للنادى0

بداية اشكرك على تسجيلك فى الموقع خصيصا للمشاركة
ماقدمه الاسماعيلى للمجهود الحربى لا يخفى على احد
وانا معاك بالتاكيد ان الاسماعيلية عروس القناة
بس يرضيك تتبهدل فى المحاكم كل السنين دى علشان تاخد النفقة :n (60):
يا عمنا بنتنا عندنا و احنا نتكفل بيها

عصام رشوان 31-07-2010 21:33

اقتباس:

المشاركة الأصلية كتبت بواسطة محمد نافع (المشاركة 328627)

كانت هذه هى مشاركتى فى هذا التوبك فى الصفحه الثانيه يوم 26-7 وسلفرت الى الغردقه وعندما عدت اليوم وجدت الامر تغير كثيرا وتحولت الفكره من شركه باسهم الى تبرع مالى والحمد للح صفحات التوبك تعدت ال 35 صفحه وسيظل الاسماعيلى بخير طالما وراءه رجال مثلكم

اولا كل الشكر للاستاذ عصام رشوان ولكل مشارك فى هذه الحمله الرائعه

ثانيا انا مشارك معكم بمبلغ شهرى او سنوى وانتظر نتيجة اجتماع يوم الثلاثاء لاعرف الصوره التى سيكون عليها العمل وكيف ستصل الاموال الى النادى دون المرور على مجلس الاداره وخاصة كبيرهم ابو الحسن

وانا اتفق مع المهندس سامى فى ان العدد الكبير يضمن رقم كبير حتى لو كانت المساهمات متواضعه وانا ارجو نشر الموضوع بطريقه كبيره داخل الاسماعيليه ومصر بالكامل واقترح ان تكون هناك كوبونات تبدأ بمبلغ 1 جنيه وخمسه جنيه وعشره جنيه وخمسين جنيه وان يتم توزيع هذه الكوبونات عند محلات الجرائد مثلا ويمكن لكل اسمعلاوى وهو يشترى اى جرائد او مجلات او بقاله ان يشترى بالباقى كوبون او اثنين يوميا اعتقد اننا بذلك نسهل طرقة التبرع ولا نتسبب فى تحمل احد لضغوط ونحقق دخل مالى لنادينا
مع التركيز على اليه تضمن عدم التلاعب بالكوبونات وتضمن وصول التبرعات للنادى دون المرور على ابو الحسن

علما باننى على استعداد للوقوف ورائكم بكل قوتى لانجاح هذا الامر

مع دعواتى لكم بالتوفيق ان شاء الله

محمد نافع

حمدلله على السلامة يا باشمهندس محمد
و افكارك جميلة و لازم تتناقش
و لما تبدأ الحملة فى الاسماعيلية
لابد من وجودك الداعم وافكارك المحترمة
كل الشكر للباشمهندس محمد نافع

عصام رشوان 31-07-2010 21:39

اقتباس:

المشاركة الأصلية كتبت بواسطة adham (المشاركة 328634)
لا شكر علي واجب يا استاذ عصام
الاسماعيلي ده خيره علينا
الاسماعيلي نفديه بعنينا
مين اللي قال ده نادي فقير
ليه يعني ملوش جماهير
عشاقه كتير في كل مكان
جوه مصر وبره كمان
قادريين نرجع لنادينا هبته
وميتقلش ده نادي غلبان
مد ايدك يا اسمعلاوي
وخلي الفن يعود من تاني
حلوة الحكاية وعجبتني
وهنبدأ تنفيذ في ثواني
ارجوكم اتفئلوا معايا
وفكرتنا هي البداية
ولسه الافكار جية كتير
بس نبدأ وبكل ضمير

جمهور ذواق و فنان و شعرا كمان
بيقولوا من المعاناة يولد الشعر
انا كدة عرفت ليه معظم عشاق الدراويش
بيرتجلوا هتافات رائعة فى ثوانى
و كمان بيكتبوا شعر
الابيات جميلة يا عم الادهم

تسلم ايديك

عصام رشوان 31-07-2010 21:46

اقتباس:

المشاركة الأصلية كتبت بواسطة مصطفى عبدة 43 (المشاركة 328620)
استاذ عصام عندى فكرة جامدة بدل البنك والكسل كل شهر التعاقد مع شركة التليفونات يعنى مثل احمد سمير فرج كان مع خالد الغندور من فتر ة اتصالة بالتليفون بالبرنامج واضافو على الفاتورة حوالى 30 جنية بعنى ممكن تجميع الفلوس عن طريق التليفون و لازم رقم تليفونك يا استاذ عصام عشان الاى معندوش تت وعايز يتبرع ويبعت البيناتات او الافكار الجادة وانا متبرع ورقم تليفونى مع الاستاذ هشام ويارب النجاح اخوك مصطفى عبد ة شارع الدقهلية حى السلام

اهلا بيك ا . مصطفى عبده ( بس اكيد هنغير اسمك ) :n (29):
و باذن الله نناقش كل الافكار مع بعض
و همتك فى حى السلام يا ابن البلد
و هابعت لك رقم التليفون
لازم الكل يكون جاهز للمساهمة لما نبدأ


عصام رشوان 31-07-2010 21:49

اقتباس:

المشاركة الأصلية كتبت بواسطة elshatby (المشاركة 328470)
ايوة كدة يا رجاله اهم الرجالة بحق وحقيقى





وان شاء الله يا استاذ عصام هتجيلك دفعه تانية من رابطة اسكندرية غير الى اتبعتت بس مستنى ماتش بكرة يخلص واعمل الاجتماع بعدها بيوم ولا حاجة واجمع اكبر عدد ممكن




استاكوزا وجمبرى ........ اسمعلاوى سكندرى

تسلم يا شاطبى يا اصيل
مجهوداتك معانا اكثر من رائعة انت و كل الاسكندرانية الكبار

عصام رشوان 31-07-2010 21:59

فيه كام نقطة مهمة يا جماعة
حماسنا كلنا للفكرة حبا فى الاسماعيلى
و بالتاكيد مش عايزين نربط استمرارية الفكرة
باى حاجة تحصل
سواء مجلس الادارة استمر او جه غيره فكرتنا مستمرة
سواء حصلت كبوات للفريق فى المباريات او لا
فكرتنا مستمرة
انا باقول كدة علشان ماتش الاهلى بكرة
ويارب نكسب و ناخد ال 3 نقاط للاستمرار فى المنافسة
لكن لو لا قدر الله كانت هناك اى نتيجة سلبية
مش عايزين اليأس يسيطر علينا رغم الحزن اللى حيكون جوانا
المقصود اننا نفصل حملتنا عن اى مؤثرات مهما كان حجمها
حتى لو محمد الفايد ساب انجلترا و مسك رئاسة الاسماعيلى :n (9):
حنستمر فى مساهماتنا و حملتنا زى ما احنا
وان شاء الله نكسب بكرة .. يارب

عاشق الكرة 31-07-2010 22:06

ااااااااة لو يعرف اعضاء مجلس الادارة الاسماعيلى ككيان بيمثلنا ايه كانو اتكسفوا على دمهم ورحلوا من بدرى

عصام رشوان 31-07-2010 22:12

اقتباس:

المشاركة الأصلية كتبت بواسطة sekabony (المشاركة 328453)
aywa ya gma3a 50 p every kol month gmil awy we elly adr ydf3 aktr mfesh moshkla bs nbd2

يا اهلا بيك يا باشا
لو ال p باوند يبقى جميل
و لو بياستر يبقى برضه جميل
المهم بياناتك الرسمية يا باشا
الاسم
البطاقة او جواز سفر
الهاتف
الايميل
و المبلغ المقترح
و ارسلهم لى على رسالة خاصة بالموقع

mimmo_express 31-07-2010 22:17

http://www.ismaily-scs.com/mimo/mimmo56.JPG

عصام رشوان 31-07-2010 22:23

اقتباس:

المشاركة الأصلية كتبت بواسطة mimmo_express (المشاركة 328680)

فينك يا ميمو باشا
استلم التوبك ياريس
انا ما بقتش شايف :n (56):
و الله جمهورنا يفرح بجد


الساعة الآن: 23:08

Powered by vBulletin ®

Security byi.s.s.w