منتدي إسماعيلي إس سي

منتدي إسماعيلي إس سي (http://www.ismaily-sc.com/vb/index.php)
-   النادي الاسماعيلي Ismaily Club (http://www.ismaily-sc.com/vb/forumdisplay.php?f=3)
-   -   ساهم معنا في دعم النادي الإسماعيلي (http://www.ismaily-sc.com/vb/showthread.php?t=13263)

الدحلب 01-08-2010 13:04

ثوره الدراويش ...............................الي اين؟
 
الي اين وصلت حمله التبرعات لدعم النادي
وهل ستصل الي كل ما يصل اليه اي موضوع في مصرنا المحروسه
نار نار
ثم لا شئ
اتمني للدراويش ان يكونوا حاجه تانيه مشرفه

AYMANDYAB 01-08-2010 13:09

اقتباس:

المشاركة الأصلية كتبت بواسطة semsemsemsem (المشاركة 328963)
حتى لما بيهزقونا برضه بنستحمل علشان بنحبهم

ماعاش اللي يهزأك يا دكتور

احنا بس بنهزا الأهلوية المعفنين :n (40):

انت خارج الموضوع ده وياريت محدش ياخد الأمور بصفة الجماعية

الكلام بيبقى بصفة عامة على الناس الأهلوية اللي خارج الموقع ومانعرفهاش ومانعرفش معدنهم ايه

AYMANDYAB 01-08-2010 13:11

ثوره الدراويش ...............................الي اين؟
الي اين وصلت حمله التبرعات لدعم النادي
وهل ستصل الي كل ما يصل اليه اي موضوع في مصرنا المحروسه
نار نار
ثم لا شئ
اتمني للدراويش ان يكونوا حاجه تانيه مشرفه



ايه الداعي لأنشاء التوبك ده يا استاذ دحلب؟؟؟؟؟

اللي عايز يتابع الموضوع ويعرف ما يحدث اولا بأول يجب عليه متابعة توبك ساهم معنا في دعم النادي الاسماعيلي

http://www.ismaily-sc.com/vb/showthread.php?p=328974&posted=1#post328974

فهو التوبك الوحيد لمناقشة حملة التبرع ومتابعة تطوراتها والاستفسار حول كافة ما يخصها

وإنشاء توبكات اخرى يعرض الأعضاء للتشتت

سوف يتم ضم هذا التوبك واي توبك مماثل للتوبك الاساسي للتبرعات

samy said mohamed ezz 02-08-2010 00:09

اقتباس:

المشاركة الأصلية كتبت بواسطة aymandyab (المشاركة 328900)
أحلى حاجه فيك إنك ثوري ومغامر . .بس خد بالك بيلموا الالتراس اليومين دول


بلاش شغل الشباب ده احنا عجزنا يا باشا :n (59):

بعضا من ما عندكم يا أستاذ أيمن
و بمناسبة الألتراس .. يا ترى هل هنقدر نعتمد عليهم فى نشر منشورات بالحمله فى أنحاء الأسماعيليه كلها أم لا ؟ .. هذا سؤال محتاج رد عليه .. المرحله القادمه .. هى مرحلة شباب الأسماعيليه


مهندس سامى

isma3ilawy in cairo 02-08-2010 06:48

يا جماعة شوية ملاحظات بس
1-هو دكتور ضياء اهلاوى ما شاء الله بجد قمة الأحترام يا جماعة الراجل دة دخل فى صفحتى بيدعونى للمشاركة بجد انا مبسوط جدا بحضرتك ويارب يكتر من امثالك المحبين للبلاد بغض النظر عن الانتماءات والله انا بعد الكلام الى قلتة دة حسيت زى ما اكون فى فيلم عربى واكتشفت ان واحد محترم جدا واقرب الناس ليا طلع من ديانة تانيةغير ديانتى مش ناقص غير شوية موسيقى وطنية و يكمل المشهد شوفت وصلونا لأية انا بقول الكلام دة لأن التعصب السلبى اصبح متفشى جدا فى مجتمعنا وبعد ما وصلنا للتعصب الدينى دخلنا فى الرياضى وكلة بسبب الاعلام الجاهل و الظلم الى واقع على الأطراف الضعيفة من اتحاد الكرة و غيرة ومش بعيد يا دكتور ضياء الأهلوية دلوقتى يعتبروك خائن و عميل انا اسف يا جماعة لو خرجت عن مهمتنا الأساسية اسف بجد بس نصيحة يا دكتور ضياء لو ملكش فى الكورة قوى ومش بتكمل ماتش زى ما حضرتك بتقول خليك بقى اسماعلاوى بالمرة واهو نتشرف بواحد محترم زى حضرتك و على فكرة اعرف اهلاوية كتير مقدروش على التغييب و بقو زمالكاوية او اسماعلاوية :)))))))))))))بهزر مع حضرتك و بشكرك جدا مرة تانية بجد حضرتك محترم جدا

2-ياريت يا جماعة الى يدخل و عايز يشارك معانا ميقولش معاكو ب 100 جنية والى يقول وانا عليا ب 50 جنية والكلام دة مش مفهومة طبعا انا اقصد طريقة الكلام احنا مش بنلم من بعضينا علشان فية بيت جيرانا عايزين ننكسة مثلا ولا احنا بنعمل خير فى مريض محتاج احنا بنعمل واجب لنادينا الى الدنيا كلها بتحاربة ومبقاش لية غيرنا بعد ما اتخلى عنة الجميع يعنى المشاركة مش حسنة دى واجب فعشان كدة انا بفضل ان الى يقول مبلغ يحاول يتأكد ان دة المبلغ الى هو مش ممكن ميدفعهوش ابدا يعنى محدش يقول 200 جنية مثلا و يا عالم حيقدر عليها كل شهر ولا لا انا احسن عندى انا احدد حد ادنى ولو اقدر ازود ازود كدة حيحس ان الموضوع مهواش ثقل علية كل شهر وكلة حسب امكانياتة يعنى انا مثلا دلوقتى لسة مش بشتغل لكنى ان شاء الله قادر فى احلك الظروف انى ادفع 20 جنية شهريا بأذن الله طبعا والله قادر على كل شىء خلاصة الموضوع محدش يحدد غير الى هو عارف ان المبلغ دة مش حيعملة مشكلة مش عارف فكرتى وصلت ولا لا واسف لو كنت ضايقت حد بكلامى

isma3ilawy in cairo 02-08-2010 07:04

اقتباس:

المشاركة الأصلية كتبت بواسطة ahmed_express (المشاركة 327154)
أنا كمان هساهم وهكسر الحصاله و أمري لله و هدفع كل شهر عشره جنيه من مصروفي الخاص ومش مشكله أبقي أروح كام يوم المدرسه مشي عشان أقدر أوفر العشره جنيه لأن الإسماعيلي هوا حياتي أفديه لحد مماتي
أحمد محمد مصطفي إكسبريس

اقتباس:

المشاركة الأصلية كتبت بواسطة ahmed_express (المشاركة 327158)
وكمان أخويا كريم محمد مصطفي هيتبرع بكمان عشره جنييه و هوا بيروح كل الماتشات مع بابا وهوا كان زعلان لما الإسماعيلي إتغلب من الشبيبه
ونام معيط و من غير عشا عشان هوا بيحب الدرويش اوي

يا جماعة المشاركة دية تعبتنى بجد انا غالبا كدة مش حعرف انام ياريت كدة تبقى متثبتة فى بداية التوبيك علشان الكل يشوفها والى متقاعس عن المشاركة يعرف ماذا يمثل الدراويش فى قلوب كل محبية ومن جميع الأعمار سلامى ليك يا احمد انت و كريم وربنا يوفقنا و يوفقكم دائما يااااااارب

AYMANDYAB 02-08-2010 07:45

اقتباس:

المشاركة الأصلية كتبت بواسطة samy said mohamed ezz (المشاركة 329412)
بعضا من ما عندكم يا أستاذ أيمن
و بمناسبة الألتراس .. يا ترى هل هنقدر نعتمد عليهم فى نشر منشورات بالحمله فى أنحاء الأسماعيليه كلها أم لا ؟ .. هذا سؤال محتاج رد عليه .. المرحله القادمه .. هى مرحلة شباب الأسماعيليه
مهندس سامى

الصبر يا باشمهندس سامي

قليل من الصبر لاستيضاح الأمر أولا معرفة التفاصيل وآليات التنفيذ

وبعدين نبقى نشوف الأنسب للتنفيذ

أعتقد ان الموضوع لسه ماخدش الصيغة النهائية ليه

AYMANDYAB 02-08-2010 07:49

اقتباس:

المشاركة الأصلية كتبت بواسطة isma3ilawy in cairo (المشاركة 329607)
على فكرة اعرف اهلاوية كتير مقدروش على التغييب و بقو زمالكاوية او اسماعلاوية :)))))))))))))بهزر مع حضرتك

بتهزر :n (26):

محسن مسعود 02-08-2010 08:06

أتمنى من الجميع ألا يفتر حماسنا بسبب نتيجة مباراة الأمس فهذا أدعى أن نضاعف جهودنا ونحفر فى الصخر من أجل عودة الأسماعيلى قويا إلى منصات التتويج وهذا لن يحدث إلا إذا أصبح لدينا قطاع ناشئين قوى يكون عوضا لنا عن شراء لاعبين بالملايين فى زمن الأحتراف الوهمى ودورى الشركات ( الممتاز سابقا )
وكلما مرت كبوة بالفريق الأول لابد أن نضاعف جهودنا ولا يتسرب إلينا اليأس فهذا هو التحدى الكبير لجمهور الأسماعيلى وشباب الأسماعيلية اللى أجدادهم حفروا القناة وقاوموا الأنجليز وصرفوا على الحكومة فى أحلك الظروف

AYMANDYAB 02-08-2010 11:04

اقتباس:

المشاركة الأصلية كتبت بواسطة محسن مسعود (المشاركة 329625)
من أجل عودة الأسماعيلى قويا إلى منصات التتويج وهذا لن يحدث إلا إذا أصبح لدينا قطاع ناشئين قوى يكون عوضا لنا عن شراء لاعبين بالملايين فى

بصراحة أنا امبارح وانا باتفرج على احمد حجازي والسولية والشحات وخيري وحمص وقبل كل دول على صبحي

وباقول لازم وحتما ولا بد ولا مناص ولا مفر

من توجيه حملة خاصة لجمع مبلغ مالي محترم لإستكمال النواقص في القطاع

وبما أن القطاع اصلا كله نواقص ومعدوم

يبقى لازم حملة موحدة وقوية لإنجاب مثل احمد حجازي وأمثاله . . وهم كثيرون بالقطاع ولكن الخوف ان يتسربوا من الاسماعيلي

او يتسرب منهم الامل ويعتزلوا الكرة قبل ان يروا الفريق الأول

وأنا سامع ان فيه ناشئ هايتباع في بلجيكا وبمبلغ أونطه وتافه وياريت حد يشوفلنا الموضوع ده ايه حكايته ومين الناشئ ده وهل الاسماعيل يمحتاجه بدل ما يبيعه ببلاش تقريبا لنادي بلجيكي

والناشئ في فريق 18 سنة

محسن مسعود 02-08-2010 11:26

اقتباس:

المشاركة الأصلية كتبت بواسطة AYMANDYAB (المشاركة 329646)

وأنا سامع ان فيه ناشئ هايتباع في بلجيكا وبمبلغ أونطه وتافه وياريت حد يشوفلنا الموضوع ده ايه حكايته ومين الناشئ ده وهل الاسماعيل يمحتاجه بدل ما يبيعه ببلاش تقريبا لنادي بلجيكي

والناشئ في فريق 18 سنة

هحاول أعرفلك مين هو هذا اللاعب
نلتقى بعد الفاصل :n (59):

محمد عباس كوم امبو اسوان 02-08-2010 11:58

اقتباس:

المشاركة الأصلية كتبت بواسطة محسن مسعود (المشاركة 329625)
أتمنى من الجميع ألا يفتر حماسنا بسبب نتيجة مباراة الأمس فهذا أدعى أن نضاعف جهودنا ونحفر فى الصخر من أجل عودة الأسماعيلى قويا إلى منصات التتويج وهذا لن يحدث إلا إذا أصبح لدينا قطاع ناشئين قوى يكون عوضا لنا عن شراء لاعبين بالملايين فى زمن الأحتراف الوهمى ودورى الشركات ( الممتاز سابقا )
وكلما مرت كبوة بالفريق الأول لابد أن نضاعف جهودنا ولا يتسرب إلينا اليأس فهذا هو التحدى الكبير لجمهور الأسماعيلى وشباب الأسماعيلية اللى أجدادهم حفروا القناة وقاوموا الأنجليز وصرفوا على الحكومة فى أحلك الظروف

الغالي الحبيب / محسن مسعود
تحياتي وسلامي لأحلي ناس في الدنيا ناس قلوبها صافية
احنا بنحب الدراويش بمرهم قبل حلوهم الحماس عند العشاق ذاد من كثرة الظلم علي الفريق
وعمرنا ما راح نكل ولا نمل ولا اليأس حيدخل قلوبنا لأن لا يدرك الحب والعطاء الا من يعانية
ومشكور ومدد مدد مدد شدي حيلك يا أسماعيلية ويعلم الله التعب اللي فيا وحنرجع نغني علي السمسمية
وبنادي وازعق واقول شدوا حيلكم يا شباب اسماعيلية

:
n (6)::n (6)::n (58)::n (58)::n (58)::n (58)::n (58)::n (58)::n (58)::n (58)::n (58):


الساعة الآن: 23:34

Powered by vBulletin ®

Security byi.s.s.w